61016: ein rhif tecstio ar gyfer digwyddiadau nad ydynt yn rhai brys

Gallwch ein tecstio ar 61016 i adrodd digwyddiadau nad ydynt yn rhai brys, megis y rhai byddech yn eu hadrodd wrth y rhif ffôn 101 a ddarperir gan eich heddlu lleol.

Caiff y rhif tecstio ei fonitro 24/7 ac, er nad yw ar gyfer adrodd argyfyngau, byddwn yn gallu anfon swyddogion os bydd angen.

Pryd i ddefnyddio’r gwasanaeth tecstio:

Tecstiwch 61016 (neu ffoniwch 0800 40 50 40) pan ydych chi eisiau cysylltu â ni ynghylch problem nad yw’n galw am ymateb frys. Er enghraifft, gallwch decstio pan:

• Rydych chi eisiau’n hysbysu o ddigwyddiad sydd wedi digwydd eisoes
• Rydych chi eisiau’n hysbysu o broblemau’n effeithio ar eich taith ar y rheilffordd neu’ch gorsaf leol
• Mae gennych ymholiad cyffredinol i'r heddlu

Os yw'ch ymholiad yn ymwneud â bysus neu ffyrdd, gallwch gysylltu â'r heddlu lleol unrhywle yn y wlad trwy ffonio 101.

Pryd i ffonio 999:

Ffoniwch 999 bob tro pan fydd arnoch angen ymateb frys gan yr heddlu megis:

• Mae trosedd yn digwydd
• Mae rhywun gerllaw yr amheuir ei fod wedi cyflawni trosedd
• Mae rhywun wedi'i anafu, yn cael ei fygwth neu mewn perygl

Gallai darparwr eich gwasanaeth symudol godi taliad bach arnoch i decstio 61016. Bydd yr union gost yn dibynnu ar eich rhwydwaith a thariff.